സ്പെഷ്യല്‍ ചിക്കന്‍ റോസ്റ്റ്

ചിക്കന്‍ - 1 kg.
സവാള - 1/2 കിലോ.
തക്കാളി - 3 എണ്ണം.
പൊതിനയില - ഇലയോടു കൂടിയ ഒരു തണ്ട്.
കറിവേപ്പില - 3 തണ്ട്.
മല്ലിയില - 100 ഗ്രാം.
ഇഞ്ചി - 2 ടീസ്പൂണ്‍ ( ചെറുതായി അരിഞ്ഞത്).
വെളുത്തുള്ളി - 3 ടീസ്പൂണ്‍ (ചതച്ചത്)
പച്ചമുളക് - 3 എണ്ണം.
മല്ലിപ്പൊടി - 3 ടീസ്പൂണ്‍
മുളക് പൊടി -3 ടീസ്പൂണ്‍
ഗരം മസാല - 1/ 2 ടീസ്പൂണ്‍
മഞ്ഞള്‍പ്പൊടി - 2 ടീസ്പൂണ്‍
പെരുംജീരകപ്പൊടി - 1 ടീസ്പൂണ്‍
ഉലുവപ്പൊടി - 1/4 ടീസ്പൂണ്‍
വെളിച്ചെണ്ണ - 2 കപ്പ്.
ഉപ്പ് ആവശ്യത്തിനു
അണ്ടിപ്പരിപ്പ്, മുന്തിരി - കുറച്ചു വീതം

തയ്യാറാക്കുന്ന വിധം

ചിക്കന്‍ കഴുകി വൃത്തിയാക്കി 3 ടീസ്പൂണ്‍ മല്ലിപ്പൊടി, 2 ടീസ്പൂണ്‍ മുളക്പൊടി,1/2 ടീസ്പൂണ്‍ മഞ്ഞള്‍പ്പൊടി, 1 ടീസ്പൂണ്‍ പെരുംജീരകപ്പൊടി, ഉപ്പ്, ആവശ്യത്തിന് വെള്ളം (ചിക്കന്‍ വെന്തു കഴിഞ്ഞു കുറച്ചു വെള്ളം ബാക്കി ഉണ്ടാകണം) എന്നിവ ചേര്‍ത്ത് വേവിക്കുക. മറ്റൊരു പാത്രം അടുപ്പത്ത് വെച്ച് 2 കപ്പ് വെളിച്ചെണ്ണയില്‍ സവാള പൊരിച്ചെടുത്ത് കോരി മാറ്റിവെക്കുക. അതേ എണ്ണയില്‍ കുറച്ച് അണ്ടിപ്പരിപ്പും മുന്തിരിയും വറത്ത് മാറ്റിവെക്കുക. ബാകി വന്ന എണ്ണയില്‍ 2 ടീസ്പൂണ്‍ എണ്ണ ഒരു പാത്രത്തില്‍ ചൂടാക്കി തക്കാളി ഇട്ട് വഴറ്റുക. അതില്‍ 1/4 ടീസ്പൂണ്‍ ഉലുവപ്പൊടി, 1/2 ടീസ്പൂണ്‍ ഉപ്പ്, നെടുകെ അരിഞ്ഞ പച്ചമുളക്, മല്ലിയില, പൊതിനയില, കറിവേപ്പില, വെളുത്തുള്ളി, ഇഞ്ചി, ഇവ ചേര്‍ത്ത് നന്നായി വഴറ്റുക. കുറച്ച് സമയം വഴറ്റിയ ശേഷം 1/2 ടീസ്പൂണ്‍ ഗരംമസാല, 1 ടീസ്പൂണ്‍ മുളക്പൊടി, 1/2 ടീസ്പൂണ്‍ മഞ്ഞള്‍പ്പൊടി എന്നിവ ഇട്ട് ഒന്നുകൂടി വഴറ്റുക. ഇപ്പോള്‍ മസാല ഏകദേശം തയ്യാറായിക്കഴിഞ്ഞു. അതിലേക് വറുത്തു വെച്ചിരിക്കുന്ന സവാളയില്‍ മുക്കാല്‍ ഭാഗം ഇട്ടു 1 മിനിറ്റ് വഴറ്റുക.അതിലേക് വേവിച്ചു വെച്ചിരിക്കുന്ന ചിക്കന്‍ ഇട്ടു ഒന്ന് നന്നായി ഇളക്കി ഒരു 3 മിനിറ്റ് കഴിഞ്ഞു ബാകി ഉള്ള സവാളയും, അണ്ടിപ്പരിപ്പും മുന്തിരിയും കൂടെ ചേര്‍ത്ത് ഒന്ന് ഇളക്കി അടുപ്പില്‍ നിന്നും വാങ്ങുക. ചിക്കന്‍ റോസ്റ്റ് റെഡി.

ഇത് ഫ്രൈഡ് റൈസ് , അപ്പം, ഇടിയപ്പം, ചപ്പാത്തി എന്നിവയുടെ കൂടെ കഴികാവുന്നതാണ്.

വറുത്തരച്ച ചിക്കന്‍ കറി

കോഴി - 1 കിലോ

സവോള – 3 എണ്ണം

ഇഞ്ചി – ഒരു കഷണം

വെളുത്തുള്ളി – 10 അല്ലി

പച്ചമുളക് - 3 എണ്ണം

ചെറിയ ഉള്ളി – 15 എണ്ണം

പട്ട – 1 കഷണം

ഗ്രാമ്പൂ – 4 എണ്ണം

ഏലക്ക – 3 എണ്ണം

വറ്റല്‍ മുളക് – എണ്ണം

പെരും ജീരകം – 1 ടീസ്പൂണ്‍

തേങ്ങ ചിരവിയത് – 1 തേങ്ങയുടെത്

തേങ്ങാക്കൊത്തു – അര മുറി തേങ്ങയുടെത്

മല്ലിപ്പൊടി – 2 ടേബിള്‍ സ്പൂണ്‍

മുളക് പൊടി - 2 ടേബിള്‍ സ്പൂണ്‍

മഞ്ഞള്‍പ്പൊടി – ½ ടീസ്പൂണ്‍

കുരുമുളക് പൊടി – 1 ടേബിള്‍ സ്പൂണ്‍

ചിക്കന്‍ മസാല - 1 ടേബിള്‍ സ്പൂണ്‍

കറിവേപ്പില

ഉപ്പു

വെളിച്ചെണ്ണ – ആവശ്യത്തിനു

ഉണ്ടാക്കുന്ന വിധം:-

കോഴി വൃത്തിയാക്കി കഴുകിയെടുത്ത് ചെറിയ കഷ്ണങ്ങള്‍ ആക്കുക.   

¼ ടീസ്പൂണ്‍ മഞ്ഞള്‍ പൊടിയും, ½ ടേബിള്‍ സ്പൂണ്‍ മുളക് പൊടിയും , ½ടേബിള്‍ സ്പൂണ്‍ കുരുമുളക് പൊടി , ½ ടേബിള്‍ സ്പൂണ്‍ ചിക്കന്‍ മസാല യും , ആവശ്യത്തിനു ഉപ്പും ചേര്‍ത്തു കോഴിക്കഷണങ്ങളില്‍  പുരട്ടി അര മണിക്കൂര്‍ വെക്കുക.

ഫ്രൈയിംഗ് പാനില്‍ കുറച്ചു വെളിച്ചെണ്ണ ചൂടാക്കി, പെരും ജീരകം, ഗ്രാമ്പൂ, പട്ട, ഏലക്ക, ചെറിയ ഉള്ളി, കറിവേപ്പില, വറ്റല്‍ മുളക് എന്നിവ ചേര്‍ത്തു ചൂടാക്കുക. ഇതിലേക്ക് തേങ്ങ ചിരവിയത് ചേര്‍ത്തു ബ്രൌണ്‍ നിറമാകുമ്പോള്‍  തീ കുറച്ചു വെച്ച് ബാക്കി മഞ്ഞള്‍പ്പൊടിയും, ½ ടേബിള്‍ സ്പൂണ്‍  മുളക് പൊടിയും , ഒരു ടേബിള്‍ സ്പൂണ്‍ മല്ലിപ്പൊടിയും ഇട്ടു ചൂടാക്കിയെടുക്കുക. ഇത് തണുത്തതിനു ശേഷം കുറച്ചു വെള്ളം ചേര്‍ത്തു നന്നായി അരച്ചെടുക്കുക.

ഫ്രൈയിംഗ് പാനില്‍ കുറച്ചു വെളിച്ചെണ്ണ ചൂടാക്കി തേങ്ങാക്കൊത്തു വറുത്തെടുക്കുക. ഇതിലേക്ക് സവോള, ഇഞ്ചി , വെളുത്തുള്ളി , പച്ചമുളക് , തക്കാളി എന്നിവ ചേര്‍ത്തു വഴറ്റുക. ഇതിലേക്ക് 1 ടേബിള്‍സ്പൂണ്‍ മുളക് പൊടിയും, 1 ടേബിള്‍സ്പൂണ്‍ മല്ലിപ്പൊടിയും , കുരുമുളക് പൊടിയും, ചിക്കന്‍ മസാലയും ചേര്‍ത്തു നന്നായി വഴറ്റിയെടുക്കുക. ഇതിലേക്ക് മാരിനേറ്റു ചെയ്തു വെച്ചിരിക്കുന്ന ചിക്കന്‍ കഷണങ്ങള്‍ ഇട്ടു ആവശ്യത്തിനു ഉപ്പും വെള്ളവും ചേര്‍ത്തു മുക്കാല്‍ വേവ് ആകുന്നതു വരെ വേവിക്കുക. ഇതിലേക്ക് അരച്ചുവെച്ചിരിക്കുന്ന അരപ്പ് ചേര്‍ത്തു നന്നായി വേവിച്ചെടുക്കുക.

ചുവന്നുള്ളിയും കറിവേപ്പിലയും കുറച്ചു വെളിച്ചെണ്ണയില്‍ താളിച്ച്‌ കറിയില്‍ ചേര്‍ക്കുക.

ഈ ചിക്കന്‍ കറി പിടിയുടെ കൂടെ കഴിക്കാന്‍ വളരെ നല്ലതാണ് ... 

പോട്ടി വറുത്തരച്ചത്

1.പോട്ടി - 1kg
വെളുത്തുള്ളി-- നാല് അല്ലി
ഇഞ്ചി - ചെറിയ കഷണം
ഉപ്പ് - ആവശ്യത്തിന്
2.വറത്തരക്കാനുള്ളത്
തേങ്ങ - രണ്ടു മുറി
ചെറിയുള്ളി-പത്തെണ്ണം
വെളുത്തുള്ളി - മൂന്ന് അല്ലി
കറിവേപ്പില -ഒരു തണ്ട്
കറുവപട്ട -ഒരു കഷ്ണം
ഏലക്ക -അഞ്ചെണ്ണം
കറയാമ്പൂ -അഞ്ചെണ്ണം
തക്കോലം -ഒരെണ്ണം
ജാതിപത്രി -ഒരു കഷ്ണം
കുരുമുളക് -ഇരുപതെണ്ണം
മുളക്പൊടി- ഒരു ടേബിള്‍ സ്പൂണ്‍
മല്ലിപ്പൊടി -ഒരു ടേബിള്‍സ്പൂണ്‍
മഞ്ഞള്‍ പൊടി -അര ടീസ്പൂണ്‍
3. സവാള - മൂന്ന് വലുത്
കറി വേപ്പില -ഒരു തണ്ട്
വെളുത്തുള്ളി -മൂന്ന് അല്ലി
ഇഞ്ചി -ഒരു ചെറിയ കഷ്ണം
നല്ലവണ്ണം വൃത്തിയാക്കിയ കുടല്‍ കഷണങ്ങള്‍ ഒന്നാമത്തെ ചേരുവകള്‍ ഇട്ടു
വേവിക്കുക .
കുറച്ചു വെളിച്ചെണ്ണയില്‍ ,പൊടികള്‍ ഒഴിച്ചുള്ള രണ്ടാമത്തെ ചേരുവകള്‍ (തേങ്ങ
തിരുമ്മിയത്) ഇട്ടു മൊരിക്കുക.മൊരിഞ്ഞു (brown colour)കഴിഞ്ഞു തീയ്‌ നിന്നും മാറ്റി
പൊടികള്‍ ഇടുക .കുറച്ചു നേരം ചൂടാറാന്‍ വെച്ചിട്ട് വെണ്ണ പോലെ വെള്ളം
ചേര്‍ക്കാതെ അരക്കുക.
അടുപ്പത്ത് പാന്‍ വച്ച് സവാള പൊടിയായി അരിഞ്ഞതും,ഇഞ്ചി വെളുത്തുള്ളി
ചതച്ചതും കറി വേപ്പിലയും വഴറ്റുക .മൂക്കുമ്പോള്‍അരച്ച് വെച്ചിരിക്കുന്ന മസാല
ഇടുക,ഒരു മിനിറ്റിനു ശേഷം വേവിച്ചു വെച്ചിരിക്കുന്ന കുടല്‍ ഇട്ടു ഇളക്കുക .വെള്ളം
കുറുകി എണണ തെളിയുമ്പോള്‍ വാങ്ങി വയ്ക്കുക .... രുചികരമായ പോട്ടികറി
തയ്യാര്‍ ..

പിടിയും വറുത്തരച്ച കോഴിക്കറിയും

പിടി ഉണ്ടാക്കുന്നതിനു ആവശ്യമായ ചേരുവകള്‍

അരിപൊടി-ഒരു കിലോ
തേങ്ങ ചിരകിയത്- ഒരു കപ്പു
ജീരകം- ഒരു സ്പൂണ്‍ ( ചെറിയ ജീരകം )
വെളുത്തുള്ളി- പത്തെണ്ണം
ഉപ്പു-പാകത്തിന്

പിടി തയ്യാറാക്കുന്ന വിധം

അരിപ്പൊടിയും തേങ്ങ ചിരകിയതും കൂടി നന്നായി തിരുമ്മി ഒരു ഒരു മണിക്കൂര്‍ നേരം വെക്കുക. ചീന ചട്ടി ചൂടാക്കി അതില്‍ ഈ തേങ്ങ ചിരകിയത് തിരുമ്മി വെച്ചിരിക്കുന്ന അരിപ്പൊടി ഇട്ടു പതുക്കെ നിറം മാറുന്നത് വരെ വറുക്കുക. അവലോസ് പൊടിയുടെ പകുതി വേവ്.

ജീരകവും വെളുത്തുള്ളിയും കൂടെ ഒരു മിക്സിയില്‍യില് അടിച്ചെടുക്കുക. ( അല്ലെങ്കില്‍ നന്നായി ചതച്ചെടുക്കുക. )ഈ അരച്ച ജീരകവും വെളുത്തുള്ളിയും അരിപ്പൊടിയില്‍ ഇളക്കി ചേര്‍ക്കണം . കുറച്ചു വെള്ളം ഉപ്പു ചേര്‍ത്തു തിളപ്പിച്ച ശേഷം ഈ വെള്ളം ഉപയോഗിച്ച് ഈ അരിപൊടി മിശ്രിതം നന്നായി കുഴക്കണം. ഏതാണ്ട് ചപ്പാത്തിക്ക് കുഴക്കുന്നത് മാതിരി. അതിനു ശേഷം ചെറിയ ഉരുളകളാക്കുക. ഒരു ഉരുളി / വലിയ പാത്രം ചൂടാക്കി അതിലേക്കു ഈ ഉരുളകള്‍ നികക്കാന്‍ പാകത്തിന് അളവില്‍ വെള്ളം ഒഴിച്ച് ഒന്ന് തിളപ്പിച്ച ശേഷം,പാകത്തിന് ഉപ്പു ചേര്‍ത്ത് അതിലേക്കു ഉരുട്ടി വെച്ച ഉരുളകള്‍ കൂടി ഇട്ടു ചെറുതായി ഇളക്കുക. നന്നായി കുറുകി വരുമ്പോള്‍ വാങ്ങാം.

***************************
വറുത്തരച്ച ചിക്കന്‍ കറി

കോഴി - 1 കിലോ
സവോള – 3 എണ്ണം
ഇഞ്ചി – ഒരു കഷണം
വെളുത്തുള്ളി – 10 അല്ലി
പച്ചമുളക് - 3 എണ്ണം
ചെറിയ ഉള്ളി – 15 എണ്ണം
പട്ട – 1 കഷണം
ഗ്രാമ്പൂ – 4 എണ്ണം
ഏലക്ക – 3 എണ്ണം
വറ്റല്‍ മുളക് – എണ്ണം
പെരും ജീരകം – 1 ടീസ്പൂണ്‍
തേങ്ങ ചിരവിയത് – 1 തേങ്ങയുടെത്
തേങ്ങാക്കൊത്തു – അര മുറി തേങ്ങയുടെത്
മല്ലിപ്പൊടി – 2 ടേബിള്‍ സ്പൂണ്‍
മുളക് പൊടി - 2 ടേബിള്‍ സ്പൂണ്‍
മഞ്ഞള്‍പ്പൊടി – ½ ടീസ്പൂണ്‍
കുരുമുളക് പൊടി – 1 ടേബിള്‍ സ്പൂണ്‍
ചിക്കന്‍ മസാല - 1 ടേബിള്‍ സ്പൂണ്‍
കറിവേപ്പില
ഉപ്പു
വെളിച്ചെണ്ണ – ആവശ്യത്തിനു

ഉണ്ടാക്കുന്ന വിധം:-

കോഴി വൃത്തിയാക്കി കഴുകിയെടുത്ത് ചെറിയ കഷ്ണങ്ങള്‍ ആക്കുക.
¼ ടീസ്പൂണ്‍ മഞ്ഞള്‍ പൊടിയും, ½ ടേബിള്‍ സ്പൂണ്‍ മുളക് പൊടിയും , ½ ടേബിള്‍ സ്പൂണ്‍ കുരുമുളക് പൊടി , ½ ടേബിള്‍ സ്പൂണ്‍ ചിക്കന്‍ മസാല യും , ആവശ്യത്തിനു ഉപ്പും ചേര്‍ത്തു കോഴിക്കഷണങ്ങളില്‍ പുരട്ടി അര മണിക്കൂര്‍ വെക്കുക.
ഫ്രൈയിംഗ് പാനില്‍ കുറച്ചു വെളിച്ചെണ്ണ ചൂടാക്കി, പെരും ജീരകം, ഗ്രാമ്പൂ, പട്ട, ഏലക്ക, ചെറിയ ഉള്ളി, കറിവേപ്പില, വറ്റല്‍ മുളക് എന്നിവ ചേര്‍ത്തു ചൂടാക്കുക. ഇതിലേക്ക് തേങ്ങ ചിരവിയത് ചേര്‍ത്തു ബ്രൌണ്‍ നിറമാകുമ്പോള്‍ തീ കുറച്ചു വെച്ച് ബാക്കി മഞ്ഞള്‍പ്പൊടിയും, ½ ടേബിള്‍ സ്പൂണ്‍ മുളക് പൊടിയും , ഒരു ടേബിള്‍ സ്പൂണ്‍ മല്ലിപ്പൊടിയും ഇട്ടു ചൂടാക്കിയെടുക്കുക. ഇത് തണുത്തതിനു ശേഷം കുറച്ചു വെള്ളം ചേര്‍ത്തു നന്നായി അരച്ചെടുക്കുക.

ഫ്രൈയിംഗ് പാനില്‍ കുറച്ചു വെളിച്ചെണ്ണ ചൂടാക്കി തേങ്ങാക്കൊത്തു വറുത്തെടുക്കുക. ഇതിലേക്ക് സവോള, ഇഞ്ചി , വെളുത്തുള്ളി , പച്ചമുളക് , തക്കാളി എന്നിവ ചേര്‍ത്തു വഴറ്റുക. ഇതിലേക്ക് 1 ടേബിള്‍സ്പൂണ്‍ മുളക് പൊടിയും, 1 ടേബിള്‍സ്പൂണ്‍ മല്ലിപ്പൊടിയും , കുരുമുളക് പൊടിയും, ചിക്കന്‍ മസാലയും ചേര്‍ത്തു നന്നായി വഴറ്റിയെടുക്കുക. ഇതിലേക്ക് മാരിനേറ്റു ചെയ്തു വെച്ചിരിക്കുന്ന ചിക്കന്‍ കഷണങ്ങള്‍ ഇട്ടു ആവശ്യത്തിനു ഉപ്പും വെള്ളവും ചേര്‍ത്തു മുക്കാല്‍ വേവ് ആകുന്നതു വരെ വേവിക്കുക. ഇതിലേക്ക് അരച്ചുവെച്ചിരിക്കുന്ന അരപ്പ് ചേര്‍ത്തു നന്നായി വേവിച്ചെടുക്കുക.
ചുവന്നുള്ളിയും കറിവേപ്പിലയും കുറച്ചു വെളിച്ചെണ്ണയില്‍ താളിച്ച്‌ കറിയില്‍ ചേര്‍ക്കുക.

നാടന്‍ ചിക്കന്‍ ഫ്രൈ

ചിക്കന്‍ കൊണ്ട് എത്രയോ വിഭവങ്ങള്‍ നമുക്കറിയാം അല്ലെ..എന്നാലും നാടന്‍ വറുത്തരച്ച കറിയും ഫ്രൈയും നമുക്കെന്നും പ്രിയപ്പെട്ടത് തന്നെ ..

ആവശ്യമായ സാധനങ്ങള്‍ :-

ചിക്കന്‍-അര കിലോ
മുളക് പൊടി-രണ്ടു ടീസ്പൂണ്‍
കുരുമുളക് പൊടി-ഒരു ടീസ്പൂണ്‍
ഇഞ്ചി-വെളുത്തുള്ളി പേസ്റ്റ്-രണ്ടു ടീസ്പൂണ്‍
മൈദാ/കോണ്‍ഫ്ലോര്‍ -ഒരു ടേബിള്‍സ്പൂണ്‍
തയിര്‍-ഒരു ടേബിള്‍സ്പൂണ്‍
ഉപ്പ്,വെള്ളം -ആവശ്യത്തിനു
വെളിച്ചെണ്ണ-വറുക്കാന്‍ ആവശ്യത്തിനു
കറിവേപ്പില-ഒരു തണ്ട്
പച്ച മുളക്-നാല്-അന്ജെണ്ണം

ചെയേണ്ടത് :-

എണ്ണയും പച്ചമുളകും കറിവേപ്പിലയും ചിക്കനും ഒഴിച്ചുള്ള സാധനങ്ങള്‍ ഒരുമിചാക്കി പേസ്റ്റ് രൂപത്തിലാക്കുക.ഇത് ചിക്കെനില്‍ പുരട്ടി ഒരു മണിക്കൂര്‍ വക്കുക.അതിനു ശേഷം ചൂടായ എണ്ണയില്‍ ഇട്ടു വറുത്തു കോരുക.ബാക്കിയുള്ള പേസ്റ്റ് കറിവേപ്പിലയും,പച്ചമുളകുമായി യോജിപ്പിച്ച് അതും വറുത്തു കോരുക..ചൂടോടെ വിളമ്പാം....

Lik

നാടന്‍ കോഴിക്കറി

ചിക്കന്‍ -2 കിലോ

ചിക്കന്‍ മസാല – അര ടി സ്പൂണ്‍

മഞ്ഞള്‍ പൊടി-1അര ടി സ്പൂണ്‍

തൈര് – 1ടേബിള്‍ സ്പൂണ്‍

തേങ്ങ പാല്‍ – അര കപ്പ്‌ നല്ല കുറുകിയത്

രണ്ടാം പാല്‍ – ഒരു കപ്പ്‌

വെളിച്ചെണ്ണ – 2 ടേബിള്‍ സ്പൂണ്‍

കറി വേപ്പില – രണ്ട്‌ തണ്ട്

വറ്റല്‍ മുളക് – 6എണ്ണം

മല്ലി – 2ടി സ്പൂണ്‍

ഇഞ്ചി- 10ഗ്രാം പൊടിയായി അരിഞ്ഞത്

വെളുത്തുള്ളി – 16അല്ലി

കുരുമുളക് പൊടി – 1ടീസ്പൂണ്‍

പെരുംജീരകം –1 ടീസ്പൂണ്‍

പട്ട – 2കഷണം

ഗ്രാമ്പു – 5 എണ്ണം

ഏലയ്ക്ക-3എണ്ണം

ജീരകം – അരടീസ്പൂണ്‍

സവാള –3 വലുത് കൊത്തി അരിഞ്ഞത്

പച്ചമുളക് –4 നെടുവേ കീറിയത്

തക്കാളി –2 അരച്ച് എടുത്തത്

തയാറാക്കുന്ന വിധം

ചിക്കന്‍ ഒരു ടീസ്പൂണ്‍ മഞ്ഞള്‍, ചിക്കന്‍ മസാല ,ഒരു ടി സ്പൂണ്‍ ഉപ്പ്‌,തൈര് ഇവ ചേര്‍ത്ത് നന്നായി പുരട്ടി അര മണിക്കൂര്‍ വെക്കുക . പട്ട ,ഗ്രാമ്പു ,ഏലക്ക,പെരുംജീരകം,ജീരകം ,വറ്റല്‍മുളക്,മല്ലി ഇവ എണ്ണ ചേര്‍ക്കാതെ വറുത്ത് എടുക്കുക.അതിനുശേഷം പൊടിക്കുക .ഇതാണ് ഈ കറിയുടെ മസാല കൂട്ട് .

ഒരു പാനില്‍ എണ്ണചൂടാക്കി അതില്‍ ഇഞ്ചി ,വെളുത്തുള്ളിയും പച്ചമണം മാറുന്നതു വരെ വഴറ്റിയശേഷം, സവാള വഴറ്റുക .കറി വേപ്പിലയും പച്ചമുളകും ചേര്‍ക്കുക ..സവാള നന്നായി വഴന്നു കഴിയുമ്പോള്‍,മഞ്ഞള്‍പൊടി അര ടി സ്പൂണ്‍, പൊടിച്ചു വച്ചിരിക്കുന്ന മസാല കൂട്ടും അരച്ച തക്കാളിയും ചേര്‍ക്കുക.ഇതിലേക്ക് കോഴികഷണങ്ങള്‍ ഇട്ട് ആവശ്യത്തിന് ഉപ്പും രണ്ടാം പാലും ചേര്‍ത്ത് വേവിക്കുക .ചിക്കന്‍ മുക്കാലും വെന്തു കഴിയുമ്പോള്‍ കുരുമുളക് പൊടിയും ചേര്‍ക്കുക .അതിനുശേഷം ഒന്നാം പാല്‍ ചേര്‍ത്ത് ചൂടാകുമ്പോള്‍ വാങ്ങി വെക്കുക

തന്തൂരി ചിക്കന്‍

 ചിക്കന്‍ ലെഗ്‌സ് -4
തൈര്-100 ഗ്രാം 
ഇഞ്ചി പേസ്റ്റ്- 2 ടേബിള്‍സ്പൂണ്‍
വെളുത്തുള്ളി പേസ്റ്റ്-2 ടേബിള്‍സ്പൂണ്‍
മുളകുപൊടി-2 ടേബിള്‍ സ്പൂണ്‍
ജീരകപ്പൊടി-അര ടേബിള്‍ സ്പൂണ്‍
മല്ലിപ്പൊടി-അര ടേബിള്‍ സ്പൂണ്‍ 
ഗരം മസാല-1 ടേബിള്‍ സ്പൂണ്‍
ചെറുനാരങ്ങാനീര്-2 ടേബിള്‍സ്പൂണ്‍
ഉപ്പ് - ആവശ്യത്തിന്
വെളിച്ചെണ്ണ ഒരു മായത്തിനു വേണ്ടി 

തൈര്, ഇഞ്ചി പേസ്റ്റും, വെളുത്തുള്ളി പേസ്റ്റും, മുളകുപൊടി ,ജീരകപ്പൊടി, മല്ലിപ്പൊടി, ഗരം മസാലപൊടി എന്നിവ കൂടിയോജിപികുക അതിനോട് ഒപ്പം ഉപ്പും ചെറുനാരങ്ങാനീരും ഇതിലേക്കു ചേര്‍ക്കണം ഇപോള്‍ ഏതു ഒരു മസാല പസ്റ്റ്‌ ആയി കിട്ടും ഇതിനു ശേഷം ചിക്കന്‍ കഷ്ണങ്ങള്‍ വരയുക ഈ വരഞ്ഞ ചിക്കന്‍ കഷ്ണങ്ങള്‍ ലില് മസാല പേസ്ട് തേച്ചു പിടിപ്പിച്ച് വയ്ക്കണം. ഒരുമാണികൂര് എങ്കിലും വേകണം മസാല നല്ലോണം പീടികാന്‍ വെ ടിയാണ് ടേസ്ട് കൂടും , തന്തൂരി ചിക്കന്‍ ഉണ്ടാക്കാനായി മൈക്രോവേവ് അവന്‍ 350 ഡിഗ്രിയില്‍ ചൂടാക്കണം. ചിക്കന്‍ കഷ്ണങ്ങളില്‍ അല്‍പം എണ്ണ പുരട്ടുക. മൈക്രോവേവ് പാചകത്തിന് ഉപയോഗിക്കുന്ന പാത്രത്തില്‍ വച്ച് 18-20 മിനിറ്റു നേരം ഗ്രില്‍ ചെയ്യണം. ഇരു ഭാഗങ്ങളും ഇളം ബ്രൗണ്‍ നിറമാകുന്നതു വരെ ഗ്രില്‍ ചെയ്‌തെടുക്കാം. തന്തൂരി ചിക്കന്‍ റെഡി

ചിന്താമണി ചിക്കൻ

റെസിപി ചുവടെ 

ചിക്കൻ - 500 ഗ്രാം 
ചെറിയ ഉള്ളി - 500 ഗ്രാം 
വറ്റൽ മുളക് - 15 എണ്ണം നുറുക്കിയത് 
മഞ്ഞൾ - 1 നുള്ള് 
ഉപ്പു - ആവശ്യത്തിനു 
എണ്ണ - 3 ടേബിൾ സ്പൂണ്‍ 

തയ്യാറാക്കുന്ന രീതി
ഒരു കുഴിഞ്ഞ പാത്രത്തിൽ എണ്ണ ഒഴിച്ച് ചൂടായാൽ വറ്റൽ മുളക് ഇട്ടു മൂപ്പിക്കുക. ഇനി അതിലേക്കു കീറിയ ചെറിയ ഉള്ളിയും ഉപ്പും ഇട്ടു ഉള്ളി ബ്രൌണ്‍ നിറം ആവുന്ന വരെ മൂപ്പിക്കുക. ഇതിലേക്ക് ഇനി മഞ്ഞൾ ചേര്ക്കാം. പിന്നീട് നുറുക്കി കഴുകി വാരി വെച്ചിരിക്കുന്ന കോഴി ഇട്ടു വഴറ്റി ചെറുതീയിൽ മൂടി വെച്ച് ചാറ് വറ്റുവോളം പറ്റിക്കുക. 

നോട്സ് 
ഇത് ചിന്താമണി ചിക്കൻ ഉണ്ടാക്കുന്ന ഏറ്റവും തനതു രീതി ആണ്. 
മഞ്ഞൾ പോലും ഉപയോഗിക്കാതെ ആണ് ഇത് ഉണ്ടാക്കാറ്
ചിലര് ഒരു രുചിഭേദത്തിനു അല്പം പെരുംജീരകം പൊടിച്ചു ചേർക്കാറുണ്ട് - ശരിയായ റെസിപിയിൽ ചേർക്കാറില്ല.
ഇതേ വിധിയിൽ മട്ടനും ചെയ്യാവുന്നതാണ് 
ചൂട് ചോറിന്റെ കൂടെ ഒരു സ്പൂണ്‍ നെയ്യ് ചേർത്ത് ചിന്താമണി കഴിക്കണം.

ചിക്കൻ മസാല

ആവശ്യമായ സാധങ്ങള്‍....

1. ചിക്കന്‍ (എല്ലില്ലാത്തത്) : 500 ഗ്രാം
ചിക്കനില്‍ പുരട്ടാന്‍
2. ഇഞ്ചി അരച്ചത്‌ : അര സ്പൂണ്‍
3. വെളുത്തുള്ളി അരച്ചത്‌ : അര സ്പൂണ്‍
4. കാശ്മീരി മുളക് പൊടി : രണ്ടു സ്പൂണ്‍
5. മഞ്ഞള്‍ പൊടി : അര സ്പൂണ്‍
6. വിനാഗിരി : അര സ്പൂണ്‍
7. ഉപ്പു : പാകത്തിന്
മസാലക്കു വേണ്ട സാധങ്ങള്‍
8. സവാള നീളത്തില്‍ അരിഞ്ഞത്: മൂന്ന്‍ എണ്ണം
9. തക്കാളി നാലായി മുറിച്ചത് : മൂന്നു ചെറുത്‌
10. വെളുത്തുള്ളി ഇഞ്ചി അരപ്പ് : ഒരു സ്പൂണ്‍
11. പച്ച മുളക് : 4 എണ്ണം
12. കുരുമുളക് പൊടി : അര സ്പൂണ്‍
13. മല്ലിപൊടി : അര സ്പൂണ്‍
14. ഗരം മസാല : അര സ്പൂണ്‍
15. ചെറുനാരങ്ങ നീര് : ഒരു സ്പൂണ്‍
16. പെരുംജീരകം : കാല്‍ സ്പൂണ്‍
17. ഉപ്പു : പാകത്തിന്
18. കറിവേപ്പില : മൂന്നു തണ്ട്
19. എണ്ണ : വറുക്കാന്‍ ആവശ്യത്തിനു
അലങ്കരിക്കാന്‍
20. സവാള
21. തക്കാളി
22. കറിവേപ്പില
23. നാരങ്ങ

പാചകം ചെയ്യുന്ന വിധം.

ചിക്കന്‍ ചതുര കഷ്ണങ്ങളായി മുറിച്ചു വെക്കുക. വെള്ളം ഉലര്‍ത്തി 2 മുതല്‍ 7 വരെ ഉള്ള ചേരുവകള്‍ ചിക്കനില്‍ പുരട്ടി അരമണിക്കൂര്‍ വെക്കുക.
ഒരു പാനില്‍ ആവശ്യത്തിനു എണ്ണ ഒഴിച്ച് ചൂടാകുമ്പോള്‍ മസാല പുരട്ടി വെച്ചിരിക്കുന്ന ചിക്കന്‍ അധികം മൂക്കാതെ വറുത്തെടുക്കുക. ചിക്കന്‍ മറ്റൊരു പാത്രത്തിലേക്ക് എണ്ണ തീരെ ഇല്ലാതെ പകര്‍ന്നു വെക്കുക.
ചിക്കന്‍ വരുത്ത അതെ പാനില്‍ ബാക്കി എണ്ണ ചൂടാക്കി കറിവേപ്പില ഇട്ടു മൂപ്പിക്കുക. സവാള ഇട്ടു ഇളം ബ്രൌണ്‍ നിറം ആകുന്നതു വരെ വഴറ്റുക. ഇഞ്ചി-വെളുത്തിള്ളി പേസ്റ്റു ചേര്‍ത്ത് പച്ച മണം മാറുന്നതുവരെ വഴറ്റുക. മല്ലിപ്പൊടി, കുരുമുളക് പൊടി ഗരംമസാല ഇവ ചേര്‍ത്ത് തീ കുറച്ചു മൂപ്പിക്കുക. തക്കാളി പച്ചമുളക് ചേര്‍ത്ത് എണ്ണ തെളിയുന്നത് വരെ വഴറ്റുക. വിനാഗിരി ചേര്‍ത്ത് വരുത്തു വെച്ചിരിക്കുന്ന ചിക്കന്‍ ഇട്ടു നന്നായി യോജിപ്പിക്കുക. കുറഞ്ഞ തീയില്‍ അഞ്ചു മിനിട്ട് വേവിക്കുക...മസാല വറ്റി ചിക്കനില്‍ പിടിച്ചാല്‍ ഒരു പാത്രത്തിലേക്ക് പകര്‍ന്നു ഉള്ളി, തക്കാളി, ചെറുനാരങ്ങ, കറിവേപ്പില എന്നിവകൊണ്ട് അലങ്കരിക്കുക. സ്വാദിഷ്ട്ടമായ ചിക്കന്‍ മസാല റെഡി.

ചിക്കൻ ഫ്രൈ

1.ചിക്കൻ - 500 ഗ്രാം
മുളകുപൊടി - 1 ടി സ്പൂണ്‍
മഞ്ഞള്പൊടി - 1/2 ടി സ്പൂണ്‍
ജിഞ്ചർ ഗാർലിക് പേസ്റ്റ് - 2 ടി സ്പൂണ്‍
വിന്നാഗിരി - 1 ടി സ്പൂണ്‍
പെരുംജീരകം പൊടിച്ചത് - 1 ടേബിൾ സ്പൂണ്‍
ഉപ്പു - ആവശ്യത്തിനു

2. പച്ചമുളക് മുറിച്ചത് - 6 എണ്ണം
കറിവേപ്പില - 2 തണ്ട്

3. വെളിച്ചെണ്ണ - വറുക്കാൻ ആവശ്യത്തിനു

4. തേങ്ങ തിരുമ്മിയത്‌ - 2 ടേബിൾ സ്പൂണ്‍

തയ്യാറാക്കുന്ന രീതി 

1)മത് പറഞ്ഞ ചേരുവകള ചേർത്ത് ചിക്കൻ അര മണിക്കൂർ പുരട്ടി വച്ച ശേഷം വെളിച്ചെണ്ണയിൽ വറുക്കുക. മൂത്ത് വരുമ്പോൾ പച്ചമുളക് മുറിച്ചതും കറിവേപ്പിലയും കൂടി ചേർത്ത് മൂപ്പിച്ചു കോരുക.

തിരുമ്മിയ തേങ്ങ ചിക്കൻ പുരട്ടി വെച്ചിരുന്ന പാത്രത്തിൽ ഇട്ടു ഇളക്കി എണ്ണയിൽ വറുത്ത് കോരി ചിക്കന് മേലെ തൂവി ചൂടോടെ ഉപയോഗിക്കുക.

ചിക്കൻ പഫ്സ്

വേണ്ട സാധനങ്ങൾ:~

1. പഫ്സ് പേസ്റ്റ്രി ഷീറ്റ് (Puff pastry sheets) - 2, ഒരു മുട്ടയുടെ വെള്ള. 
2. കോഴി കഷ്ണങ്ങൾ എല്ലില്ലാത്തത് - കപ്പു
3. കോഴി വേവിച്ചെടുക്കാൻ : മഞ്ഞൾ പൊടി - 1 നുള്ള്, മുളക് പൊടി 1/2 tsp, കുരുമുളക് പൊടി - 1/4 tsp, ഉപ്പു
4. പഫ്സിനുള്ളിലെ മസാല തയ്യാറാക്കാൻ: ഉള്ളി 1, ഇഞ്ചി വെളുത്തുള്ളി പേസ്റ്റ്, തക്കാളി -1, മല്ലിപ്പൊടി 1 tsp, മുളക് പൊടി 1/2 tsp, പെരുംജീരകം പൊടിച്ചത് 1/2 tsp, കുരുമുളകുപൊടി 1/4 tsp, ഗരം മസാല - 1/4 tsp, കറിവേപ്പില

പഫ്സ് തയ്യാറാക്കുന്ന രീതി:~ 
----------------------------------
1. ആദ്യം തന്നെ പേസ്റ്റ്രി ഷീറ്റുകൾ ഫ്രീസറിൽ നിന്നും മാറ്റി തണുപ്പ് മാറാൻ ഫ്രിഡ്ജിനു പുറത്തു വെയ്ക്കുക. 
2. കോഴി കഷ്ണങ്ങൾ, എല്ലില്ലാത്തത്, ഉപ്പു മഞ്ഞൾ മുളക് കുരുമുളക് പൊടികളും കുറച്ചു വെള്ളവും ചേർത്തു വേവിക്കുക. 
ഈ കഷ്ണങ്ങൾ ആറിയ ശേഷം മിക്സിയിൽ ഒന്ന് ചെറുതായി കറക്കി മിൻസ് പരുവമാക്കുക. 
(നമ്മൾ വറുത്തോ കറിയിലോ വേവിച്ച കഷ്ണങ്ങൾ ആണ് ഉപയോഗിക്കുന്നതെങ്കിൽ എല്ല് കളഞ്ഞു ചെറിയ കഷ്ണങ്ങളാക്കി പിച്ചി എടുക്കുക). 
3. ഒരു ചീനചട്ടിയിൽ എണ്ണ ചൂടാക്കി ഉള്ളി അരിഞ്ഞതും ഇഞ്ചി വെളുത്തുള്ളി പേസ്റ്റും വഴറ്റി ശേഷം മസാലയും തക്കാളി അരിഞ്ഞതും ചേർത്ത് വഴറ്റിയെടുക്കുക. ഇതിലേക്ക് കോഴി നുറുക്കിയത് / മിക്സിയിൽ അടിച്ചത് ചേർത്തിളക്കുക. 
4. ഇതിലേക്ക് കറിവേപ്പില ചേർത്ത് ഈ കൂട്ട് ഒരു വിധം വരണ്ടു വരുമ്പോൾ അടുപ്പിൽ നിന്നും വാങ്ങുക. ഒരു പാട് ഉണങ്ങി പോകാതെ ശ്രദ്ദിക്കുക. 
** പഫ്സ് ബേക്ക് ചെയ്യുന്ന ഓവൻ കുറച്ചു സമയം മുൻപ് തന്നെ ഓണ്‍ ചെയ്തു വെയ്ക്കേണ്ടതാണ്. 
5. പേസ്റ്റ്രി ഷീട്ടുകൾ നിങ്ങൾക്കിഷ്ടമുള്ള ആകൃതിയിൽ ചെറിയ കഷ്ണങ്ങളാക്കി മുറിക്കുക. ഞാൻ ഒരു ഷീറ്റ് 5 കഷ്ണങ്ങളാക്കി ഈ ചിത്രത്തിൽ കാണുന്ന ആകൃതിയിൽ ആണ് ചെയ്തത്. ചതുരത്തിലോ ത്രികോണാകൃതിയിലോ മുറിച്ചെടുക്കാം. 
6. ഈ പേസ്റ്റ്രി കഷ്ണങ്ങളിൽ ചിക്കൻ മസാലകൂട്ടു നിറച്ചു ഷീറ്റിന്റെ അരികുകൾ ലേശം വെള്ളം തൊട്ടു ഒട്ടിക്കുക. 
7. ഇതിനു മുകളിൽ മുട്ടയുടെ വെള്ള പതപ്പിച്ചത് ഒരു ചെറിയ ബ്രഷ് കൊണ്ട് തടവി, ഒരു ട്രേയിൽ നിരത്തി ഓവനിൽ വെയ്ക്കുക. ഓവനിലെ ടെമ്പരേച്ചർ 180 -200 deg celsius, ഒരു 15-20 മിനിട്ടുകൾ കൊണ്ട് പഫ്സ് റെഡി ആകും. 
ഒരു നേരിയ ബ്രവ്ണ്‍ നിറം ആകുന്നതാണ് പാകം. ഈ അളവിൽ നിന്നും 10 പഫ്സ് കിട്ടും

ചിക്കൻ തവ

ചികൻ ഡ്രമ്സ്ടിക് - ഹാഫ് ട്രേ (ഇല്ലെങ്കിൽ 500 ഗ്രാം നുറുക്കിയ ചിക്കൻ)
മഞ്ഞൾ പൊടി - 1/4 ടി സ്പൂണ്‍
കുരുമുളക് പൊടി - 1 ടി സ്പൂണ്‍
ഗരം മസാല പൊടി - 1/2 ടി സ്പൂണ്‍
ഉപ്പു - ആവശ്യത്തിനു
ജിൻജെർ ഗാർലിക് പേസ്റ്റ് - 2 ടി സ്പൂണ്‍
ചിക്കെനിൽ ഇതെല്ലം പുരട്ടി ഒരു ചീനച്ചട്ടിയിൽ ചെറു തീയിൽ അടുപ്പത് വച്ച് വേവിക്കുക. വെള്ളം ഒഴിക്കേണ്ട. ഇറച്ചിയുടെ വെള്ളം വറ്റുന്ന വരെ വേവിക്കുക.

ആ സമയം കൊണ്ട് താഴെ പറഞ്ഞവ തയ്യാറാക്കുക.
സവാള - 1 വലുത് അല്ലെങ്കിൽ രണ്ടു മീഡിയം അരിഞ്ഞത്
പെരുംജീരകം - 1 ടേബിൾ സ്പൂണ്‍
കറിവേപ്പില - 1 തണ്ട്
മല്ലിപൊടി - 2 ടി സ്പൂണ്‍
മുളക് പൊടി - 1 ടി സ്പൂണ്‍
മഞ്ഞൾ പൊടി - 1/4 ടി സ്പൂണ്‍
കുരുമുളക് പൊടി - 1 ടി സ്പൂണ്‍
തക്കാളി - 1 മീഡിയം നീളത്തിൽ അരിഞ്ഞത്
പച്ചമുളക് - എരിവില്ലാത്ത വലിയ പൊന്തൻ മുളക് 4 എണ്ണം നുറുക്കി എടുക്കുക.
മല്ലിയില - 2 ടേബിൾ സ്പൂണ്‍
വെളിച്ചെണ്ണ - ആവശ്യത്തിനു (എങ്ങിനെയുണ്ട് എന്റെ പുത്തി???)
കടുക് - 1/2 ടി സ്പൂണ്‍
ഗരം മസാല പൊടി - 1/4 ടി സ്പൂണ്‍

ഒരു പാനിൽ എണ്ണ ഒഴിച്ച് കടുക് പൊട്ടിച്ചു അതിലേക്കു പെരുംജീരകം ഇട്ടു മൂപ്പിക്കുക. ഇനി സവാളയും ഉപ്പും ചേർത്ത് നല്ല തീയിൽ വഴറ്റുക.
ഇതിലേക്ക് കുരുമുളക് പൊടിയും കറിവേപ്പിലയും ചേർത്ത് മൂപ്പിക്കുക.മറ്റു പൊടികൾ കൂടി (ഗരം മസാല ഒഴികെ) കരിയാതെ മൂപ്പിക്കുക. ഇതിലേക്ക് അറിഞ്ഞു വെച്ച തക്കാളി ചേർത്ത് ഇളക്കി യോജിപ്പിക്കുക.

ഇപ്പോഴേക്കും ഇറച്ചിയിലെ വെള്ളം വറ്റി വെന്തു കഴിഞ്ഞിരിക്കും.
മസാല കൂട്ടിലേക്ക് ഇറച്ചി ചേർത്ത് അല്പം വെള്ളം കൂടി ചേർത്ത് ഇളക്കി യോജിപ്പിക്കുക. (ഇറച്ചി വേവിച്ച പാത്രത്തിൽ ചാര് ഉണ്ടെങ്കിൽ ഇങ്ങോട്ട് തട്ടിക്കൊ.. അല്പം വെള്ളം ആ പാത്രത്തിൽ ഒഴിച്ച് ഒന്ന് ചൂടാക്കി ഒഴിക്കുന്നതും നല്ലതാ - എന്റെ ഒരു പുത്തിയെ)

വെള്ളം വറ്റി എണ്ണ തെളിഞ്ഞാൽ പച്ച മുളക്, മല്ലിയില എന്നിവ ചേർത്ത് ഇളക്കുക.

അവസാനം ഗരം മസാല ചേർത്ത് ഇളക്കി ബവുളിലേക്ക് മാറ്റുക.

20 മിനിറ്റ് കൊണ്ട് ഒരു കറി - പരീക്ഷിച്ചു നോക്കൂ

ചിക്കെൻ ഫ്രൈ (ഷെഫ് നൗഷാദ് സ്പെഷ്യൽ )

ആവശ്യമുള്ള സാധനങ്ങൾ 

1. കൊഴികഷണങ്ങൾ 1 കിലോ 
2. തൈര് 1 കപ്പ് 
കാശ്മീരി മുളക് പൊടി 1 ടേബിൾ സ്പൂണ് 
ജീരകപൊടി 1 ടീസ്പൂണ് 
ഗരംമസാല പൊടി 1 1/ 2 ടീസ്പൂണ് 
കസൂരി മേത്തി 1 നുള്ള് 
അയമോദകം 1 ടീസ്പൂണ് 
ബ്ലാക്ക് സാൾട്ട് ആവശ്യത്തിനു (കടയിൽ വാങ്ങാൻ കിട്ടും) 
ചാട്ട് മസാല 1 ടേബിൾ സ്പൂണ് 
കടുക് എണ്ണ 2 ടേബിൾ സ്പൂണ് 
ഇഞ്ചിയും വെളുത്തുള്ളിയും അരച്ചത് 1 ടേബിൾ സ്പൂണ് വീതം 
3. പുതിന അരച്ചത് 1 ടീസ്പൂണ് 
4. എണ്ണ വറുക്കാൻ 

ഉണ്ടാക്കുന്ന വിധം: 
2 മത്തെ ചേരുവ യോഗിപ്പിച്ചു കുഴമ്പ് പരുവത്തിൽ ആക്കി അതിൽ കൊഴികഷണങ്ങൾ ഇട്ട് 1 മണിക്കൂർ എങ്കിലും വക്കുക. എണ്ണ ചൂടാക്കി വറുത്തു കോരുക. പുതിന ചട്ണി കൂട്ടി വിളമ്പുക.

ചിക്കന്‍ വരട്ടിയത്

ചിക്കന്‍ വരട്ടിയത്

ആവശ്യമായവ:

• ചിക്കന്‍ - ഒരു കിലോ
• സവാള – ഒന്നര
• മഞ്ഞള്‍ പൊടി - 1 ടീസ്പൂണ്‍
• മുളക് പൊടി – ഒന്നര ടേബിള്‍ സ്പൂണ്‍
• മല്ലിപ്പൊടി- ഒരു ടേബിള്‍ സ്പൂണ്‍
• കുരുമുളകു പൊടി - 1/2 ടേബിള്‍ സ്പൂണ്‍
• ഗരം മസാല - ഒരു ടേബിള്‍ സ്പൂണ്‍
• പെരുംജീരകം - 1/2 ടേബിള്‍ സ്പൂണ്‍
• കറിവേപ്പില - രണ്ട് തണ്ട്
• പച്ചമുളക് – 2
• തക്കാളി - 1 വലുത്
• ഇഞ്ചി - ഒരു ചെറിയ കഷ്ണം
• വെളുത്തുള്ളി - 7 അല്ലി
• കടുക് മല്ലി ഇല – ആവശ്യത്തിന്
• വെളിച്ചെണ്ണ, ഉപ്പ്– പാകത്തിന്

പാചകം ചെയ്യുന്ന വിധം

1. ചിക്കന്‍ ചെറിയ കഷണങ്ങളാക്കിയതിനു ശേഷം കഴുകി വൃത്തിയാക്കി കുറച്ചു മഞ്ഞള്‍പൊടിയും ഉപ്പും കുറച്ചു ഇഞ്ചിയും വെളുത്തുള്ളിയും അരച്ചതും കുറച്ചു മുളക് പൊടിയും ചേര്‍ത്തു അര മണിക്കൂര്‍ വെയ്ക്കുക.
2. ഇനി ഒരു പാനില്‍ ആവശ്യത്തിനു എണ്ണ ഒഴിച്ച് ചിക്കന്‍ അധികം മൊരിയാതെ വറത്തെടുക്കുക.നന്നായി ഫ്രൈ ആകരുത്.
3. ഒരു പാനില്‍ ചിക്കന്‍ വറത്ത വെളിച്ചെണ്ണ ഒഴിച്ച് കറിവേപ്പിലയും കടുകും താളിച്ചു ബാക്കിയുള്ള ഇഞ്ചിയും വെളുത്തുള്ളിയും ചതച്ചതും ഉള്ളിയും പച്ചമുളകും അരിഞ്ഞതും ചേര്‍ത്തു വഴറ്റുക.
4. നന്നായി വഴറ്റിയതിനു ശേഷം ഇതിലേക്ക് മഞ്ഞള്‍പൊടിയും മുളക് പൊടിയും മല്ലിപൊടിയും ചേര്‍ത്തു മൂപ്പിചെടുക്കുക.തക്കാളി അരിഞ്ഞത് വഴറ്റുക.ആവശ്യത്തിനു ഉപ്പ് ചേര്‍ക്കുക.
5. തക്കാളി നന്നായി വഴന്നു എണ്ണ തെളിഞ്ഞാല്‍ ഗരം മസാലയും പെരുംജീരകവും ചേര്‍ത്തു മൂപ്പിയ്ക്കുക.ഇതിലേക്ക് ചിക്കനും ചേര്‍ത്തു നന്നായി ഇളക്കി യോജിപ്പിച്ച് ചെറുതീയില്‍ പത്തു മിനിറ്റ് അടച്ചു വെയ്ക്കുക..അതിനു ശേഷം ഒന്ന് കൂടി ഇളക്കി ചേര്‍ത്തു തീയണയ്ക്കുക .ചിക്കന്‍ വരട്ടിയത് തയ്യാര്‍..............
6. മല്ലിയില വിതറിയോ കറിവേപ്പില വറത്തിട്ടോ അലങ്കരിയ്ക്കാം.

വാല്‍ക്കഷണം : മുളക് പൊടി ചേര്‍ക്കാതെ കുരുമുളക് മാത്രം ചേര്‍ത്താലും നല്ലതാണ്. കുരുമുളകിന്റെ അളവു കൂട്ടണം എന്ന് മാത്രം,അവരവരുടെ ഇഷ്ടം അനുസരിച്ചു എരിവു കൂട്ടുകയോ കുറയ്ക്കുകയോ ചെയ്യാം . ചിക്കന്‍ വറക്കുമ്പോള്‍ ഉപ്പ് ചേര്‍ക്കുന്നത് കൊണ്ട് മസാല തയ്യാറാക്കുമ്പോള്‍ ആവശ്യത്തിനു മാത്രം ചേര്‍ക്കാന്‍ ശ്രദ്ധിയ്ക്കുക. ചിക്കന്‍ വറത്ത എണ്ണയില്‍ തന്നെ മസാലക്കൂട്ട് വഴട്ടുന്നതാണ് നല്ലത്. 

Lik

ചിക്കന്‍ മസാല കറി ( സവാള – തക്കാളി അരച്ച് ചേര്ത്തത് )

സാധാരണ ചിക്കന്‍ കറിയില്‍ നിന്നും കുറച്ചു വ്യത്യസ്തമാണ് ,ഇതിനു സവാളയും തക്കാളിയും അരച്ച് ചേര്‍ക്കുന്നത് കൊണ്ട് ഗ്രേവി അല്പം കുറുകിയിരിക്കും.സാധാരണ ചിക്കന്‍ കറിയില്‍ നിന്നും നിറത്തിലും അല്പം വ്യത്യാസം ഉണ്ട്. ചിലര്‍ സവാള വഴട്ടാതെ പച്ചയ്ക്ക് അരച്ച് ചേര്‍ക്കും .പക്ഷെ ഇതില്‍ വഴറ്റി തന്നെയാണ് ചേര്‍ത്തിരിക്കുന്നത്.അതാണ്‌ കൂടുതല്‍ രുചികരം.

ആവശ്യമായവ:

ചിക്കന്‍ - 1 കിലോ 
സവാള - 2
ഇഞ്ചി - ഒരു ചെറിയ കഷണം 
വെളുത്തുള്ളി – 6 അല്ലി 
തക്കാളി - 1 1/2 ഇടത്തരം 
കാശ്മീരി മുളക് പൊടി - 1 ടേബിള്‍ സ്പൂണ്‍ 
കുരുമുളക് പൊടി - 1 ടീസ്പൂണ്‍ 
മല്ലിപൊടി - 1 ടേബിള്‍ സ്പൂണ്‍ 
മഞ്ഞള്പൊടി – ½ ടീസ്പൂണ്‍ 
ഗരം മസാല - 2 ടീസ്പൂണ്‍ 
മല്ലിയില നുറുക്കിയത് (അലങ്കരിക്കാന്‍ , വേണമെങ്കില്‍ മാത്രം)
ഉപ്പ് പാകത്തിന്
എണ്ണ ആവശ്യത്തിന്
കറിവേപ്പില 

തയ്യാറാക്കുന്ന വിധം :

ചിക്കന്‍ മുറിച്ചു കഷണങ്ങളാക്കി കഴുകി മാറ്റി വയ്ക്കുക.
ഒരു പാനില്‍ എണ്ണ ചൂടാക്കി സവാള വഴറ്റുക.നന്നായി വഴന്നു കഴിഞ്ഞാല്‍ തീയ് അണയ്ക്കുക, വഴറ്റിയ സവാള എണ്ണയില്‍ നിന്നും മാറ്റി ഒരു പേപ്പര്‍ ടവല്‍ ഉണ്ടെങ്കില്‍ അതില്‍ വയ്ക്കുക.
അല്പം കഴിഞ്ഞു ഈ സവാള ഒരു മിക്സെറില്‍ അരച്ചെടുത്ത് മാറ്റി വയ്ക്കുക.
ഇനി തക്കാളിയും ഇഞ്ചിയും വെളുത്തുള്ളിയും മിക്സെറില്‍ അരച്ചെടുത്ത് വയ്ക്കുക 
പാന്‍ വീണ്ടും ചൂടാക്കുക,എണ്ണ ചൂടാകുമ്പോള്‍ സവാള പേസ്റ്റ് ചേര്ത്തു് 2 മിനിറ്റ് വഴറ്റുക. ഇതിലോട്ടു തക്കാളി വെളുത്തുള്ളി ഇഞ്ചി പേസ്റ്റ് ചേര്ക്കു ക ,മസാലകളും ചേര്ത്തു എണ്ണ തെളിയുന്നത് വരെ വീണ്ടും വഴറ്റുക..ഇതിലേക്ക് ചിക്കന്‍ ചേര്ക്കു ക.ആവശ്യത്തിന് ഉപ്പും ചേര്‍ത്തു ണ്ടു കപ്പ്‌ ചൂട് വെള്ളം ഒഴിച്ച് തീയ് കുറച്ചു അടച്ചു വെച്ച് വേവിയ്ക്കുക.വെന്തു കഴിഞ്ഞു കറിവേപ്പിലയും കടുകും താളിച്ച്‌ ചേര്‍ക്കുക.മല്ലിയില വിതറി അലങ്കരിക്കാം. ചപ്പാത്തി,റൊട്ടി ,അപ്പം എന്നിവയുടെ കൂടെ കഴിക്കാം.

ചിക്കന്‍ ഫ്രൈ - Chicken Fry

1. ചിക്കന്‍ കഴുകി വലിയ കഷണങ്ങള്‍ ആക്കിയത് – 1 കിലോ 
2. ഇഞ്ചി വെളുത്തുള്ളി പേസ്റ്റ് – 2 ടേബിള്‍ സ്പൂണ്‍ 
3. കുരുമുളക് പൊടി – 2 ടീസ്പൂണ്‍ 
4. മുളക് പൊടി – 2 ടീസ്പൂണ്‍
5. മഞ്ഞള്‍ പൊടി – ¼ ടീസ്പൂണ്‍
6. ഗരം മസാല – 1 ടീസ്പൂണ്‍
7. നാരങ്ങാ നീര് – 1 ½ ടേബിള്‍ സ്പൂണ്‍
8. മൈദ – ½ കപ്പു
9. കോണ്‍ ഫ്ലോര്‍ - ¼ കപ്പു
10. മുട്ട – 1 എണ്ണം
11. വെള്ളം – ആവശ്യത്തിനു
12. ഉപ്പു – ആവശ്യത്തിനു
13. എണ്ണ – ആവശ്യത്തിനു

ഉണ്ടാക്കുന്ന വിധം :

ചിക്കനില്‍ 2 മുതല്‍ 6 വരെയുള്ള ചേരുവകളും ആവശ്യത്തിനു ഉപ്പും ചേര്‍ത്ത് നന്നായി പുരട്ടി 2 മണിക്കൂര്‍ വെക്കുക.

വീണ്ടും നാരങ്ങാ നീരു പുരട്ടി അര മണിക്കൂര്‍ വെക്കുക.

ഇനി ഈ ചിക്കന്‍ കഷണങ്ങള്‍ ഒരു ഫ്രൈയിംഗ് പാനില്‍ ഇട്ടു മൂടി വെച്ച് 20 മിനുട്ട് ചെറു തീയില്‍ വേവിച്ചെടുക്കുക. വെള്ളമോ , എണ്ണയോ ഒന്നും ചേര്‍ക്കരുത്. ചിക്കനില്‍ നിന്നും ഊറി വരുന്ന വെള്ളം കൊണ്ട് വെന്ത് കൊള്ളും.

ഇനി 8 മുതല്‍ 12 വരെയുള്ള ചേരുവകളെ നന്നായി യോജിപ്പിക്കുക. വെന്തു ഇരിക്കുന്ന ചിക്കനില്‍ ഈ കൂട്ട് നന്നായി ചേര്‍ത്തു 10 മിനുട്ട് വെച്ചതിനു ശേഷം , നന്നായി ചൂടായ എണ്ണയില്‍ വറുത്തു കോരുക

ചിക്കന്‍ ഫ്രൈ

ചിക്കന്‍ ലെഗ് - 5, 
കാശ്മീരി മുളക് പൊടി - 1 1/2 ടീസ്പൂണ്‍ , 
കുരുമുളക് പൊടി - 1 ടേബിള്‍ സ്പൂണ്‍ , 
ഗരം മസാല 1 ടീസ്പൂണ്‍ , 
മഞ്ഞള്‍പൊടി - ഒരു നുള്ള് .
ഇഞ്ചി -വെളുത്തുള്ളി പേസ്റ്റ് 1/2 ടീസ്പൂണ്‍ 
,കറി വേപ്പില ,ഉപ്പ് ആവശ്യത്തിന് ;

മസാല കുഴച്ചു വെയ്ക്കാന്‍ നാരങ്ങാ നീര് വേണമെങ്കില്‍ ഉപയോഗിക്കാം ,
(മസാല പൊടികള്‍ എല്ലാം കൂടി ഒന്ന് കുഴച്ചു വെയ്ക്കുക.)
എരിവു കൂട്ടണമെങ്കില്‍ കൂട്ടിക്കോ ..ചിക്കന് കുരുമുളക് ആണ് കൂടുതല്‍ ടേസ്റ്റ് ...

അല്പം മഞ്ഞള്‍പൊടിയും ഉപ്പും ചേര്‍ത്തു ചിക്കന്‍ ആവിയില്‍ ഒന്ന് പുഴുങ്ങിയതിനു ശേഷം ചിക്കനില്‍ മസാല പുരട്ടി വെച്ചിട്ട് ചൂടായ എണ്ണയില്‍ വറുത്തെടുക്കുക.കറി വേപ്പില കൂടി വറുത്തിടുക.

ചിക്കന്‍ഫ്രൈ റെഡി.ചിക്കന്‍ പുഴുങ്ങിയതിനു ശേഷം വറത്താല്‍ ചിക്കന്‍ ഉള്‍വശം എല്ലാം നന്നായി വെന്തു കിട്ടും.

ഗ്രില്‍ഡ് ചിക്കന്‍

ആവശ്യമായവ :-
ചിക്കന്‍ - 1 കിലോ 
മുളകുപൊടി – 2 ടേബിള്‍ സ്പൂണ്‍ 
മല്ലിപ്പൊടി – 1 ടേബിള്‍ സ്പൂണ്‍
മഞ്ഞള്‍പ്പൊടി – 1 നുള്ള്
കുരുമുളക് പൊടി - 2 ടേബിള്‍ സ്പൂണ്‍
ഗരം മസാല – 1 ടീസ്പൂണ്‍
ചാട്ട് മസാല - 1 ടീസ്പൂണ്‍
തൈര് – 6 ടേബിള്‍ സ്പൂണ്‍
നാരങ്ങാ നീര് - 2 ടേബിള്‍ സ്പൂണ്‍
ഇഞ്ചി വെളുത്തുള്ളി പേസ്റ്റ് – 1½ ടേബിള്‍ സ്പൂണ്‍
കസ്തൂരി മേത്തി പൌഡര്‍ - 1 ടീസ്പൂണ്‍
വെളിച്ചെണ്ണ - 2 ടേബിള്‍ സ്പൂണ്‍
ഉപ്പു – ആവശ്യത്തിനു

തയ്യാറാക്കുന്ന വിധം :-

ചിക്കന്‍ കഴുകി വലിയ കഷണങ്ങള്‍ ആക്കി വരഞ്ഞു , അതില്‍ 1 ടേബിള്‍ സ്പൂണ്‍ മുളകുപൊടി, മഞ്ഞള്‍പ്പൊടി, 1 ടേബിള്‍ സ്പൂണ്‍ കുരുമുളക് പൊടി, 1 ടേബിള്‍ സ്പൂണ്‍ നാരങ്ങാ നീര് എന്നിവ പുരട്ടി അര മണിക്കൂര്‍ വെക്കുക .

ഇഞ്ചി വെളുത്തുള്ളി പേസ്റ്റ്, തൈര്, എന്നിവയില്‍ വെളിച്ചെണ്ണ ഒഴികെയുള്ള ബാക്കിയുള്ള എല്ലാ മസാലകളും ചേര്‍ത്തു ഈ ചിക്കനില്‍ പുരട്ടിയത്തിനു ശേഷം വെളിച്ചെണ്ണ കൊണ്ട് നന്നായി തിരുമ്മി 2 മണിക്കൂര്‍ വെക്കുക.

ഓവന്‍ 200 ഡിഗ്രി പ്രീഹീറ്റ് ചെയ്യുക. അതിനു ശേഷം ചിക്കന്‍ കഷണങ്ങള്‍ ഗ്രില്ലില്‍ വെച്ച് 30 മിനുട്ട് ഗ്രില്‍ ചെയ്തെടുക്കുക.
സ്വാദിഷ്ടമായ ഗ്രില്‍ഡ് ചിക്കന്‍ തയ്യാര്‍

കോഴിക്കറി

ചേരുവകള്‍ :

ചിക്കന്‍ അതി ക്രൂരമായി വെട്ടി മുറിച്ചത്. - ഒരു കിലോ ( വെറുതെ സാമ്പിള്‍ നോക്കാന്‍ ).
പൂവന്റെ ഇറച്ചി ആണ് നല്ലത്. പിടയുടെത് നല്ല മുറ്റായിരിക്കും. പെണ്ണല്ലേ ജാതി.
കോഴിയുടെ കഴുത്ത് വെട്ടിയോ മറ്റോ അതിനെ കൊല ചെയ്യുക. എന്നിട്ട് പൂട പറിച്ചിട്ടു ക്വൊട്ടേഷന്‍കാര്‍ ചെയ്യുന്ന പോലെ വെട്ടിക്കൂട്ടിയാല്‍ മതി.

സവാള : നല്ല ചുവന്നു തുടുത്തത്.
വെളുത്തുള്ളി : പത്തെണ്ണം എണ്ണി എടുക്കുക. എല്ലാം ഒരേ സൈസ് ആയിരിക്കണം.
ഇഞ്ചി : ചെറു വിരല്‍ നീളത്തില്‍ ഒരെണ്ണം ( സാധാരണ മനുഷ്യന്റെ ചെറുവിരല്‍ നീളം. അതില്‍ കൂടുതല്‍ ഉള്ളവര്‍ നീളം അഡ്ജസ്റ്റ് ചെയ്യാന്‍ മറക്കണ്ട )
ഉപ്പു : വെറുതെ ഒരു കിണ്ണത്തില്‍ ഇട്ടു വച്ചോ. വേണ്ടപ്പോ തട്ടാം
എണ്ണ : ഒരു കുപ്പി വച്ചോ. എപ്പോഴാ ആവശ്യം വരുന്നതെന്ന് പറയാന്‍ പറ്റില്ല
മഞ്ഞള്‍ പൊടി : കവറില്‍ കിട്ടുന്നത്. എത്ര വേണം എന്ന് അപ്പൊ പറയാം
ചിക്കന്‍ മസാല : ഒരു കവര്‍. അടിമാലിയിലുള്ള ഏതോ ഒരു കമ്പനി ഉണ്ടാക്കുന്നത് ബെസ്ടാ
കടുക് : നൂറു. എണ്ണി എടുക്കണം എന്നില്ല. നൂറു ഗ്രാം മതിയായിരിക്കും.

ഉണ്ടാക്കുന്ന വിധം :

ഇത് നമ്മള്‍ രണ്ടു സ്റെപ് ആയാണ് ഉണ്ടാക്കുന്നത്‌. ഉള്ളിയും മസാലയും ചേര്ത്ത് കൂട്ട് ഉണ്ടാക്കണം. പിന്നെ ചിക്കന്‍ വേവിച്ചിട്ട് അതില്‍ ഇട്ടു ഇളക്കണം

അപ്പൊ സ്റെപ് 1 :

സവാള അരിഞ്ഞു തള്ളുക. ഒരു നാലെണ്ണം. കരയാതിരിക്കാന്‍ പ്രത്യേകം ശ്രദ്ധിക്കുക. ചെറിയ ഒരു ചീന ചട്ടി എടുക്കുക. അതില്‍ കുറച്ചു എണ്ണ ഒഴിച്ച് അടുപ്പത്ത് വയ്ക്കുക. എണ്ണ തിളച്ചു വരുമ്പോ കടുക് ഇടണം. ഇത് പാചകത്തിന്റെ ഒരു പ്രാഥമിക നിയമം ആണ്. എപ്പോ എണ്ണ ചൂടാക്കിയാലും കടുക് പൊട്ടിച്ചേക്കണം. ചീന ചട്ടിയിലോ അതില്‍ ഇളക്കുന്ന ചട്ടുകതിലോ അല്പം പോലും വെള്ളം ഉണ്ടാവരുത്. എങ്കില്‍ എണ്ണ പൊട്ടി തെറിക്കും. ആണുങ്ങള്‍ ഷര്ട്ട്പ‌ ഇടാതെ വെറുതെ ലുങ്കി മാത്രം ഉടുത് കൊണ്ടാണ് ഇത് ചെയ്യുന്നതെങ്കില്‍ എണ്ണ വയറ്റത്തും വേണ്ടാത്തിടത്തും ഒക്കെ വീണു അടയാളം വരും. പിന്നെ എന്നെങ്കിലും ഇതൊക്കെ എങ്ങനെ ഉണ്ടായി എന്ന് ഭാര്യയോട്‌ സമാധാനം പറയേണ്ടി വരും. ഇപ്പോഴേ ഒന്ന് ശ്രദ്ധിച്ചാല്‍ അത് ഒഴിവാക്കാം. അതൊക്കെ പോട്ടെ. ഇഞ്ചിയും വെളുത്തുള്ളിയും ചേര്ക്കേ ണ്ട സമയം ആയി. ഇത് രണ്ടും കൂടി മിക്സിയില്‍ അരച്ച് പേസ്റ്റ് ആക്കിയത് ചട്ടയില്‍ ഇടുക. ഒപ്പം അരിഞ്ഞ ഉള്ളിയും. പിന്നെ രണ്ടു സ്പൂണ്‍ മസാലയും. എന്നിട്ട് ഉമ്മന്‍ ചാണ്ടി ചെയ്യുന്ന പോലെ എല്ലാം കൂടി കൂട്ടികുഴയ്ക്കുക. സവാള തവിട്ടു നിറം ആവുന്ന വരെ വെറുതെ ഇളക്കി കൊണ്ടിരിക്കുക. അത് കാണാന്‍ കൊള്ളാവുന്ന ഒരു നിറത്തിലായി കഴിഞ്ഞാല്‍ ഇറക്കി ഒരു മൂലയ്ക്ക് വയ്ക്കുക.

സ്റെപ് 2 :

മുകളിലത്തെ സ്റെപ്പിനു പാരലല്‍ ആയി ചെയ്യേണ്ട സ്റെപ് ആണ് ഇത്. സഹായിക്കാന്‍ ആരെങ്കിലും വരുന്നെങ്കില്‍ അവരെ ഏല്പ്പി ക്കുക. അല്ലെങ്കില്‍ വിധി എന്ന് കരുതി സ്വയം ചെയ്യുക.
ചിക്കെന്‍ കഴുകി വൃത്തിയാക്കുക. രക്തം ചിന്തി മരിച്ച കോഴി ആണെങ്കില്‍ ആ രക്ത കറ ഒക്കെ കഴുകി വൃത്തിയാക്കുക. വലിയ കഷണങ്ങള്‍ വെട്ടി ചെറിയ കഷണങ്ങള്‍ ആക്കുക. കോഴിയുടെ തലച്ചോറ്, ഷിറ്റ് , ഒരാവശ്യവുമില്ലാത്ത കുടല്‍ , പിന്നെ പേരറിയാന്‍ പാടില്ലാത്ത വൃത്തികെട്ട സാധനങ്ങള്‍ ഒക്കെ നീക്കം ചെയ്യുക. കാണാന്‍ ഭംഗിയുള്ള കഷണങ്ങള്‍ മാത്രം ബാക്കി വയ്ക്കുക.
ഇതിലേയ്ക്ക് രണ്ടു സ്പൂണ്‍ ( ടീ സ്പൂണ്‍ വേണം . അത് കിട്ടിയില്ലെങ്കില്‍ കോഫി സ്പൂണ്‍ ആയാലും മതി )
മസാല പൊടി വിതറുക. രാഖി കാ സ്വയംവറിലുള്ള അത്രയും മസാല മതിയാവും. അല്ലെങ്കില്‍ ഇമോഷണല്‍ അത്യാചാറിലുള്ള അത്രയും ഇട്ടോ. എന്നിട്ട് ഭാര്യയെ മനസ്സില്‍ ധ്യാനിച്ച്‌ ആ ചിക്കനും മസാലയും കുറച്ചു ഉപ്പും ( തിന്നു കഴിഞ്ഞാല്‍ വെള്ളം കുടിക്കാന്‍ പാകത്തിന് മാത്രം ) ചേര്ത്ത്
കൂട്ടി കുഴയ്ക്കണം. കുഴച്ചു കഴിഞ്ഞിട്ട് ഒരു പതിനഞ്ചു മിനിറ്റ് വെറുതെ വയ്ക്കണം. മസാല ചിക്കന്റെ മേത്തു പിടിക്കണമല്ലോ. പിടിച്ചു കഴിഞ്ഞാല്‍ നേരെ അതിനെ എടുത്തു കുക്കറില്‍ തട്ടുക. എന്നിട്ട് തീ ഒക്കെ കൂട്ടി വയ്ച്ചു ഒരു പതിനഞ്ചു മിനിറ്റ് വേവിക്കുക. കുക്കറിന് ബോര്‍ അടിക്കുമ്പോ അത് വിസില്‍ ഒക്കെ അടിക്കും. വിസിലടി ഓവര്‍ ആകുമ്പോ സ്ടവ് ഓഫ്‌ ആക്കുക. അതിലുള്ള നീരാവി ഒക്കെ പുറത്തു വന്നതിനു ശേഷം മാത്രം കുക്കര്‍ തുറക്കുക. കടുക് വറുക്കുന്ന കാര്യം പറഞ്ഞ പോലെ നീരാവി ഒക്കെ പോയതിനു ശേഷം വേണം ഇത് തുറക്കാന്‍. അല്ലെങ്കില്‍ എട്ടിന്റെ പണി കിട്ടും. തീര്ച്ചു.

കുക്കര്‍ തുറന്നതിനു ശേഷം അതില്‍ നേരത്തെ ഉണ്ടാക്കിയ കൂട്ട് ഇടുക. എന്നിട്ട് ചെറിയ തീ ഇട്ടിട്ടു
എല്ലാം നന്നായി കൂട്ടി ഇളക്കുക. നിങ്ങള്ക്ക് വൈരാഗ്യം ഉള്ളവരെ ഒക്കെ മനസ്സില്‍ ഓര്ത്തുട ഇളക്കിയാല്‍ ഇളക്കലിനു ഒരു ശക്തി , ഊര്ജംത ഒക്കെ കിട്ടും. അങ്ങനെ ഒരു പത്തു മിനിറ്റ് വേവിച്ചിട്ട് അവനെ ഒരു അടപ്പ് കൊണ്ട് അടച്ചു വച്ചിട്ട് ചെറിയ തീയില്‍ വയ്ക്കുക.

പത്തു മിനിറ്റ് കഴിഞ്ഞോ ? എങ്കില്‍ വേഗം വേറെ ആരും കാണാതെ അത് ഇറക്കി വച്ചോ. ഇനി കഴിക്കണമല്ലോ. നേരത്തെ ഹോടലില്‍ നിന്ന് വാങ്ങിയ ചിക്കന്‍ കറിയും പൊറോട്ടയും എടുത്തു കൊണ്ട് പോയി ആരും കാണാതെ കഴിക്കണം. ഇനി നിങ്ങള്‍ ഉണ്ടാക്കിയ ചിക്കന്‍ കറി കഴിക്കാന്‍ പറ്റിയ കുറച്ചു പേരെ കണ്ടു പിടിക്കുക. എന്നിട്ട് ചോറിന്റെ ഒപ്പമോ ചപ്പാത്തിയുടെ ഒപ്പമോ വിളമ്പുക.