ചിക്കന്‍ ബിരിയാണി

നല്ല ഒരു ചിക്കന്‍ ബിരിയാണി വീട്ടില്‍ ഉണ്ടാക്കി കഴിക്കണം എങ്കില്‍ അല്പം ക്ഷമ വേണം. എവിടെ നിന്നൊക്കെ കഴിച്ചെന്നു പറഞ്ഞാലും സ്വന്തമായി ബിരിയാണി തയ്യാറാക്കി കഴിക്കുന്നതിന്റെ ആ ഒരു സന്തോഷം .....അപ്പോള്‍ തുടങ്ങിക്കോള് .ഇത് പോലെ തന്നെ ചെയ്തു നോക്ക്,നല്ല ഒരു ചിക്കന്‍ ബിരിയാണി നിങ്ങള്ക്കും ഉണ്ടാക്കാം.
ചോറ് വറ്റിച്ചു എടുക്കാന്‍ ശ്രമിച്ചു പരാജയപെട്ടവര്‍ അത് വെച്ച് വാര്താലും മതി...

ചേരുവകള്‍

ബസ്മതി അരി - 3 കപ്പ്
ചൂട് വെള്ളം – 6 കപ്പ്‌

നെയ്യ് ആവശ്യാനുസരണം 

അരി വേവിയ്ക്കാന്‍ വേണ്ട സാധനങ്ങള്‍ : കറുകപ്പട്ട 2 , .ഗ്രാമ്പൂ – 4 വയണയില 1 .ഏലക്ക – 2 നാരങ്ങാ നീര്(ഒന്നിന്റെ) , ഉപ്പ് .

ചിക്കന്‍ മസാലയ്ക്ക് വേണ്ടത് 
ചിക്കന്‍ - 1 കിലോ 
സവാള – 4 അരിഞ്ഞത് 
വെളുത്തുള്ളി അരച്ചത്‌ ഒരു ടേബിള്‍ സ്പൂണ്‍ 
ഇഞ്ചി അരച്ചത്‌ ഒരു ടേബിള്‍ സ്പൂണ്‍ 
പച്ചമുളക് – 5
ഇഞ്ചിയും വെളുത്തുള്ളിയും പച്ചമുളകും കൂടി അരച്ച് പേസ്റ്റ് രൂപത്തിലാക്കി മാറ്റി വയ്ക്കുക
തക്കാളി - 2 അരിഞ്ഞത് 
പുതിനയില കുറച്ച്
മല്ലിയില നുറുക്കിയത് ഒരു പിടി
നാരങ്ങാ നീര് – ഒന്നിന്റെക
മഞ്ഞള്പൊടി - 1/2 ടീസ്പൂണ്‍ 
ഗരം മസാല – ¼ ടേബിള്‍ സ്പൂണ്‍ 

മല്ലിപൊടി – ¼ ടേബിള്‍ സ്പൂണ്‍ 
മുളക് പൊടി വേണമെങ്കില്‍ മാത്രം ചേര്ത്താ്ല്‍ മതി ½ ടേബിള്‍ സ്പൂണ്‍ 
ബിരിയാണി മസാല – 2 1/2ടേബിള്‍ സ്പൂണ്‍. 

(ഈസ്റ്റെര്ന്ബിരിയാണി മസാലയാണ് ഉപയോഗിച്ചത്).വേണമെങ്കില്‍ നമുക്ക് വീട്ടില്‍ തയ്യാറാക്കുകയും ചെയ്യാം.അതിനു വേണ്ടത് ഗ്രാമ്പൂ 4 , പെരുംജീരകം അര ടീസ്പൂണ്‍ , ഏലയ്ക്ക രണ്ടെണ്ണം ,കറുവപ്പട്ട ഒന്ന്, തക്കോലം ഒന്ന് ,ജാതിപത്രി 3,
കല്പൂവ് 3 എണ്ണം, വയണയില 1 ഇത്രയും വറത്തു പൊടിയ്ക്കണം.

എണ്ണ ആവശ്യത്തിന്‌
ഉപ്പ് പാകത്തിന്

അലങ്കരിക്കാന്‍ :

സവാള അരിഞ്ഞു വറത്തത്- 1 
അണ്ടിപരിപ്പ് - .10 
ഉണക്കമുന്തിരിങ്ങ - 10
പുതിനയില, മല്ലിയില 
പൈന്‍ ആപ്പിള്‍ എസ്സന്സ്,/ പൈന്‍ ആപ്പിള്‍ കഷങ്ങള്‍
സാഫ്രോണ്‍ 
റെഡ് ഫുഡ്‌ കളര്‍ (വേണമെങ്കില്‍))
നെയ്യ്

തയ്യാറാക്കുന്ന വിധം :

അരി കഴുകി വെള്ളം വാലാന്‍ വയ്ക്കുക.പതിനഞ്ചു മിനിറ്റ് കഴിഞ്ഞു വെള്ളം നന്നായി തോര്ന്നു് കഴിയുമ്പോള്‍ ഒരു വട്ട’ പാത്രത്തില്‍ ഒരു ടീസ്പൂണ്‍ നെയ്യ് ഒഴിച്ച് ഒരു സവാള അരിഞ്ഞതിന്റെ. പകുതി ചെറുതായി വറക്കുക,അതിലേക്കു കറുവപ്പട്ട,ഗ്രാമ്പൂ ,എലയക്ക, വയണയില എന്നിവ ഇട്ടു ആറു കപ്പ് വെള്ളം ഒഴിച്ച് ആവശ്യത്തിനു ഉപ്പും ചേര്ത്ത് ഒരു നാരങ്ങാ നീര് കുരുവില്ലാതെ പിഴിഞ്ഞ് ഒഴിച്ച് വെള്ളം തിളയ്ക്കുമ്പോള്‍ അരി ഇടുക.
നാരങ്ങാ നീര് ചേര്ത്താല്‍ അരി വെന്തു കിട്ടുമ്പോള്‍ ഒന്നിനൊന്നു തൊടാതെ കിട്ടും 
വെള്ളം വറ്റുന്നതാണ് കണക്ക്.ഇപ്പോള്‍ അരി പാകത്തിന് വെന്തിട്ടുണ്ടാകും. അങ്ങനെ വെള്ളം വറ്റിച്ചു എടുക്കാന്‍ അറിയില്ല എങ്കില്‍ അരി മുക്കാല്‍ വേവ് ആകുമ്പോള്‍ വാര്താലും മതി, വറ്റിയ്ക്കുമ്പോള്‍ ചേര്ക്കുന്നതിലും കൂടുതല്‍ ഉപ്പ് ചേര്ക്ക്ണം എന്ന് മാത്രം. 
ഇനി ഒരു പാന്‍ ചൂടാക്കി ഒരു സവാള അരിഞ്ഞത് നെയ്യില്‍ വറത്തു കോരി മാറ്റി വയ്ക്കുക.അണ്ടിപരിപ്പും ഉണക്കമുന്തിരിയും ഇതില്‍ തന്നെ വറത്തു എടുക്കണം.

ഇനി ചിക്കന്‍ മസാല ഉണ്ടാക്കണം
അല്പം ഉപ്പും മുളകു പൊടിയും ഗരം മസാലയും പുരട്ടി ചിക്കന്‍ ചെറുതായി ഒന്ന് വറത്തു കോരി വെച്ചിട്ട് മസാല ഉണ്ടാക്കിയാല്‍ വളരെ നല്ലത്. 
ഒരു ചീനച്ചട്ടിയില്‍ എണ്ണ ഒഴിച്ച് ചൂടാകുമ്പോള്‍ അരിഞ്ഞു വെച്ചിരിയ്ക്കുന്ന നാല് സവാള ഇട്ടു വഴറ്റണം, നന്നായി വഴന്നു കഴിയുമ്പോള്‍ ഇഞ്ചി വെളുത്തുള്ളി പച്ചമുളക് പേസ്റ്റ് ചേര്ത്ത് പച്ചമണം മാറുന്ന വരെ വഴറ്റുക,തക്കാളി അരിഞ്ഞതും,പുതിനയിലയും മല്ലിയിലയും വഴറ്റി മല്ലിപൊടിയും ബിരിയാണി മസാലയും മഞ്ഞള്പൊടിയും വഴറ്റി ആവശ്യത്തിനു ഉപ്പും ചിക്കനും ചേര്ത്ത് ഇളക്കി മസാലയെല്ലാം നന്നായി ചിക്കനില്‍ യോജിപ്പിച്ച് അല്പം നാരങ്ങാ നീരും ചേര്ത്ത് അടച്ചു വയ്ക്കുക.വറതത് ആയതിനാല്‍ 10 മിനിറ്റ് മതി,അല്ലെങ്കില്‍ 20 മിനിറ്റ് എങ്കിലും വേണം.വെന്തു കഴിഞ്ഞു തീയ് അണയ്ക്കുക.ചിക്കന്‍ മസാല തയ്യാര്‍

ഇനി ഒരു വട്ട പാത്രത്തില്‍ ഒരു ടീസ്പൂണ്‍ നെയ്യ ഒഴിയ്ക്കുക.എന്നിട്ട് മുക്കാല്‍ വേവ് ആയ ചോറ് നിരത്തിയിടുക,ചിക്കന്‍ മസാല കൂട്ട് നിരത്തുക.വീണ്ടും ചോറ് ഇടുക , അല്പം നെയ്യ് മുകളിലായി തൂവുക.അരിഞ്ഞു വച്ചിരിയ്ക്കുന്ന പുതിനയില ,മല്ലിയില, അണ്ടിപരിപ്പ്,കിസ്മിസ് എന്നിവ ഇടയില്‍ വിതറാം,ഇനി വീണ്ടും ചോറ് വിതറാം.ഇടയ്ക്കിടെ പൈന്‍ ആപ്പിള്‍ ചേര്ക്കാം ,ഇല്ലെങ്കില്‍ എസ്സന്സ്ച ചേര്ക്കു ക,നല്ല മണം കിട്ടും .വീണ്ടും ചിക്കന്‍ മസാല നിരത്തിയിടുക, ചോറും നിരത്തുക.ഏറ്റവും മുകളിലായി .ഒരു ടീ സ്പൂണ്‍ നെയ്യ് ഇതിനു മുകളില്‍ തൂവി വറുത്തു മാറ്റി വെച്ചിരിക്കുന്ന സവാള ,അണ്ടിപരിപ്പ്,മുന്തിരി ഇവ ചേര്ക്കു ക .മല്ലിയിലയും പുതിനയിലയും വിതറിയിട്ട് നല്ലത് പോലെ അടച്ചു ചെറിയ തീയില്‍ 10 മിനിട്ട് ദം ചെയ്യുക... തീയ് അണച്ച് 5 മിനിറ്റ് അടച്ചു തന്നെ വെയ്ക്കുക..രുചികരമായ ചിക്കന്‍ ബിരിയാണി തയ്യാര്‍. ....;

ചിക്കന്‍ മസാല ഉണ്ടാക്കുമ്പോള്‍ ഗ്രേവി കൂടുതല്‍ വേണമെങ്കില്‍ മസാല കൂട്ടാം,.
ചിക്കന്‍ മസാലയുടെ ചാറു ഒരുപാട് ചോറില്‍ മിക്സ്‌ ചെയ്‌താല്‍ മസാലയുടെ ഒരു കുത്തല്‍ ‘’ ഉണ്ടാകും, എല്ലാവര്ക്കു മൊന്നും അത് ഇഷ്ടം ആകില്ല.അതുകൊണ്ട് കുറച്ചു മാറ്റി വയ്ക്കുന്നതാണ് നല്ലത്,വിളമ്പുമ്പോള്‍ വേണ്ടിയവര്ക്ക്ു കൊടുക്കാമല്ലോ.
ചോറ് ഉണ്ടാക്കി കഴിഞ്ഞു വേണമെങ്കില്‍ അതില്‍ കിടക്കുന്ന ഗ്രംബുവും കറുവ പട്ടയും ഒക്കെ എടുത്തു കളയാം ,

ബിരിയാണി സെറ്റ് ചെയ്യുമ്പോള്‍ ഇത്തിരി ഗരം മസാലയും ഇടയ്ക്കൊക്കെ ഇട്ടാല്‍ നല്ല മണവും രുചിയും കിട്ടും.സാഫ്രോണ്‍ അല്പം ചൂട് ആറിയ വെള്ളത്തില്‍ കലക്കിയത് ഒരു പിടി ചോറില്‍ മിക്സ്‌ ചെയ്തു ചേര്ക്കാം . ചുവന്ന ഫുഡ്‌ കളര്‍ രണ്ടു മൂന്നു തുള്ളികള്‍ 
കുറച്ചു ചോറില്‍ മിക്സ്‌ ചെയ്തു ബിരിയാണി സെറ്റ് ചെയ്യുമ്പോള്‍ വിതറിയിടുക, അപ്പോള്‍ കാണാന്‍ ഒരു ഭംഗി ആയിരിക്കും.